Etxekotasunak

Jaiki eta dutxatu. Ondo lehortu gabe gosaria irentsi eta erdi-lehortuta zaudela jantzi.
Umeak esnatu, oihuka gosaldu, aginduak eman, arropak eta motxilak atondu.
Giltzak hartu, autoa atera, umeak sartu eta lotu. Musika jarri, lasaitzen hasi.
Ataskoa, udaltzaingoa, zebrabidea, aparkatzeko tokia.
Eskolara korrika, euria bada putzuak saihestu, balkoien azpitik joaten saiatu gutxiago bustitzeko.
Lanean estresatu eta aspertu. Nazkatu eta poztu. Negar egin eta alaitu. Bazkaria antolatu lagunekin eta blogen bat irakurri.
Umeen bila eskolara, korrika bazkaltzera joan eta ahalik eta liskarrik gutxien izaten saiatu. Berdurak jaten erakutsi umeei eta lentejak eta garbantzuak. Fruta jan.
Eskolako lana egin eta eskolara itzuli.
Lanean jarraitu eta mereienda prestatu.
Hartu umea eskolatik eta entrenamendura joan edo parkera edo...
Etxera itzuli, etxeko lanak egin, bainatu, afaldu, lotaratu, irakurri, egon, isiltasunaz gozatu...
labadora jarri, arropak atera, zintzilikatu, oinetakoei begiratu, arropa batzuk antolatu eta...
ohera joan, etzan, tapa-tapa egin eta argia itzali.
Lo.